ડાયમંડ ઇન્ડસ્ટ્રી કેરિયર ફાઉન્ડેશન (DICF)

     એક વિચાર નો ઉદ્દભવ.
હીરા ઉદ્યોગ મા કારમી મંદી ના કાળ મા જ્યારે બેકાર બનેલા રત્ન કલાકારો ને જોઈ ને jem and jewellery ગ્રુપ સાથે સંકળાયેલા ભાવિ ભારતીયો નું દિલ દ્રવિ ઉઠયું, એમને લાગ્યું કે જે ઉદ્યોગ થી પોતે નામ- દામ કમાયા છે તે ઉદ્યોગ ના કારીગર વર્ગ ની આવી હાલત? એમના મનમાં ઉદભવેલા આ પ્રશ્ન એ એક નવા વિચાર નો ઉદ્દભવ થયો અને નક્કી કર્યું કે વતન ના રત્ન કલાકારો માટે કૈંક કરવું જોઈએ.

અમેરિકા ટીમ ના સભ્યો જ્યારે ભારત આવ્યા ત્યારે એક મીટિંગ મળી, જેમાં હીરા ઉદ્યોગ ના સેવાભાવી સભ્યો મળ્યા અને Diamond industry career foundation ( DICF) નામ ના સંગઠન ની સ્થાપના થઇ. મીટિંગ મા હાજર સભ્યો એ સહર્ષ પોતાની આવડત અને અનુકૂળતા મુજબ ની જવાબદારી સ્વીકારી લીધી. આમ એક ઉમદા કાર્ય થી પ્રેરણા લઈ ને એક નવો વિચાર સંસ્થા સ્વરૂપ મા મૂર્તિમંત બન્યો.

એક નેક કાર્ય ની પ્રેરણા થકી આજે વિશાળ ફલક પર હીરા ઉદ્યોગ સાથે સંકળાયેલા દુઃખી, મજબૂર વર્ગ ની હુંફ બની ને DICF વટવૃક્ષ બન્યું છે.

Foundation નો ઉદ્દેશ પહેલા થી એક જ હતો કે આપણે પારદર્શક વહીવટ થી ground level એ જઈ ને ઘરે ઘરે સર્વે કરી ને એમાં થી જરૂર કરતા વધારે જરૂરિયાત વાળા પરિવાર ને સહાય ની જરૂર છે તેમને સહાય પહોંચાવી.